洞察危機醒目喵救全家~

31/3/2015
有時候當一隻喵喵留係同一個地方點都唔肯走，亦可能係一個警號…|||
前晚Bell Bell係雪櫃&大門口果度成日望住天花板，望黎望去，又訓係果度叫都唔肯走…

等我前晚仲貪得意以為bell扮獅子山拎部相機出黎影佢，而家睇返d相張張都縮埋夾尾尾，警界mode中 =.=

到琴朝早係度喵醒我地，又帶我地去雪櫃果度 @@a
開始覺得唔妥搵下呢個角落做咩事，摸下個配電箱竟然熱熱地，打開聽倒小小滋滋聲…

老公趕住返工話我聽叫我去搵樓下水電舖老闆黎睇下la
等到下午先搵倒水電師傅上黎睇，都已經聽得好清楚，滋滋聲咁無停過…|||
原來個配電箱已經去到摸倒蓋都熱到辣手，入邊個掣燒熔左黑灑…

之前3月頭一早訂左部冷氣機，原本想等4月熱d先裝~
師傳諗住反正配電箱要換零件，橫掂都係拎灑set架餐係度
況且新冷氣機都要加個新插蘇比佢，拉過條電線加落個箱度，順手提早一次過安埋

搞左半日，又拆房既舊冷氣安返玻璃，再係廳拆窗裝冷氣，又鑽牆加新插蘇
bell 原來又唔係好驚，唔肯留係籠仔，都係放係籠頂比佢八掛
有鑽鑽鑽時就摸摸頭仔，同bell講唔好跳，媽媽係度乖乖~ 就會定灑~

打比阿媽話佢知呢件事，比我媽哦左我一大輪，同我講自己隻喵一早話你地知都唔理
話我地十下十下，話我同佢講前幾日bell明知唔入得廚房，但成日入廚房望已經有唔妥
話我地仲係話bell鬧佢入廚房，好彩我養左隻喵，唔係燒死左自己都唔知咩事

真係如果唔係bell醒目發現倒，我相信琴日已經上左蘋果動，今日已經上埋頭條…|||
老公放工返黎，即讚bell bell叻叻有得食罐罐~ 救了我地一家3口 ~ 🐱

真心奉勸各位搵裝修水電要搵信得，過手工好，貨真價實既師傳~